2013年8月13日 星期二

進擊的小強

打從2008年開BLOG至今,小弟一直都是以一本正經的態度寫作,但前天發生了一件或許會令人畢生難忘的事(大家也猜到該不會是甚麼好事了),把此事載於私人FACEBOOK時朋友反應異常熱烈 (well,大家......也許不是幸災樂禍吧),為了把自己的奇遇變成更多人的快樂,使事情變得更正面,一於試試分享到此BLOG看看,希望大家一笑置之 (OOPS, Trail Studio的專業形象該不會因這篇網誌而大受影響吧,哈哈!)


facebook原文(我寫私人facebook時很口語化的):

附近單位大裝修,家裡多左好多不速之客,已同佢地多翻搏鬥。前晚呢,沖完涼著衫,件底衫一著上身,咦做乜個身好似痕痕地? 似乎有D軟綿綿的東西係身上走來走去,雖然痕得來又幾舒服,但就已深知不妙,毛管都戙埋,浴室塊鏡反映,眼尾見到有粒圓圓地,黑黑地的肥美小東西由衣袖飄左出來,四目交投,佢彷彿同我講「你睇我o吾到,你睇我o吾到」,隨即又飄返入件衫裡面!!! 

嘩,電光火石間腎上腺素提升100%,以光速除左件衫係咁"FING",又O吾知強哥會否仲係身上,本能地有理無理跳返入浴缸,用花洒照頭勁淋,攪左一大餐,確定強哥不在身上,驚魂甫定先發現原來自己連褲都未除就沖左第二次涼!!

正所謂,發生了的事實已經改變o吾到,唯有正面d,當如係同小強「共處一衫」的一次奇遇,畫張畫紀念下呢件事先......
 




Trail Studio
專業設計、攝影及影像服務 (大相/油畫相製作)
website http://www.trailstudio.com.hk